Page 165 - Неизвестное название

Таҥнары чарапчыланан,
Умсары одулаата,
Сытырҕалаан сынтаарыйда.
Ол гынан баран
Умсулҕаннаах ньуурдаах
Оҕо Ньургустайы
Хаппарын иһиттэн
Көрүөннээх көхсүгэр диэри
Таһааран көрдөрдө.
6830 Килбиэннээх сирэйэ
Кэхтэн салбаҕырбыт,
Туналҕаннаах ньуура
Сулуктуиан солбоҕурбут,
Үтүө дьүһүнэ өлүгүрбүт,
Хаана кубарыйбыт,
Харада өлбөөдүйбүт.
Убайын диэки
Тоҥолуппакка-араарбакка,
Супту одуулаан
6840 Икки хараҕын уута
Икки иэдэһинэн
Туллук кыыл курдук
Тобугун үрдүгэр
Тобугураччы таммалаата.
Саманнык диэн
Саҥалаах-иҥ.элээх
Буола олордо:
— Дьиэ-буо, дьиэ-буо!
Бу адьарай бөдө
6850 Алдьархайдаах адьырҕата
Айыллан үөскээбит
Аан ийэ дойдубуттан,
Аламай күммүттэн,
Аймах билэ дьоммуттан,
Арааран-тэлэһитэн
Күнү көрдөрбөккө,.
Сырдыкка таһаарбакка,
Хараҥа балай
Хаппар иһигэр
6860 Хаайан тууйан,
Ханна да барарбын билбэккэ,
Түҥ-таҥ түһэн,
Түҥхэл-таҥхал айаннаан,
- 164 -