Page 164 - Неизвестное название
P. 164
Көй сабаан салгыннаах,
Күөгэйэ нусхайар
6780 Күөх унаар оттоох-мастаах
Күндү кэрэ дойдутугар
Күөрэгэй чыычаах курдук
Көтөн-дайан,
Күлэн-үөрэн,
Көрүлээн-оонньоон
Көҥүл-босхо сылдььгбыта.
Ону баара эн
Күнү көрдөрбөккө,
Салгыҥҥа таһаарбакка,
6790 Хараҥа хаппарын түгэҕэр
Хаайан сытыардаххына,
Санаата санньыйан,
Сүрэҕэ көркүтүйэн,
Хаайтаран тууйуллан,
Хаана хараарыа,
Туналҕаннаах ньуура сулуктуйуо,
Үтүө дьүһүнэ өлбөедүйүө.
Ол кэриэтэ
Көҥүл-босхо
6800 Күүлэйдэтэриҥ буоллар,
Көхсө-быара кэҥээн,
Көнньүөһэ көнөн,
Күлэн-үөрэн
Мичилийиэ этэ.
Мин көрсөрүм буоллар
Үтүө сүбэни
Сүбэлиэм этэ.
Күтүөт аҕам
Көрдөһүүбүн ылыныа этэ диэн,
6810 Көһүтэн кэтэһэн турдаҕым,
Буойака! — диэтэ.
Инньэ диирин кытта
Абааһы уола
Үрдүк халлаанын
Үмүрүйэр төбөтүн диэки
Олоотуу-олоотуу
Түлэй-бараан дойдутун
Түөрт өртүнэн
Түҥкүнүүр түгэхтэринэн
6820 Төгүрүччү эргичийэн,
— 163 -
