Page 25 - Неизвестное название

Самнан-саһан,
Бэриҥнэһэ-бэриҥнэһэ
Биллимэҥ-көстүмэҥ диэн
Биллибэккэ-көстүбэккэ
Мэлийэллэр эбит.
720 Күн аайы аймахтара
Көй кииннэригэр,
Көмүс ордууларыгар
Күө-дьаа кэпсэтэн,
Көбө-саба хаамсан,
Күлэ-оонньуу,
Күөрүү-саарыы
Күдьүөрүһэн-сириэдиһэн,
Олорбуттар эбит.
Били кыыс оҕолоро
730 Оҕо Ньургустай
Ньирэй бэйэтэ чэччийэн,
Тулҕа бэйэтэ туругуран,
Улдьаҕай бэйэтэ улаатан,
Он'оойукка отонноон,
Тэрэкэҕэ* дьэдьэннээн,
Тордуйаҕа сугуннаан,
Туран-оонньоон улаатан,
Уҥуохтаах көнөтө,
Хааннаах араҥаһа,
740 Дьүһүннээх үтүөтэ,
Быспыт курдук быһыылаах,
Куппут курду к курбуһахтаах,
Умнаабыт курдук уҥуохтаах,
Биилэ биэкэйэн,
Курбуһаҕа куодьайан,
Өттүгэ чөкөйөн.,
Санна дарайан,
Самыыта ласпайан,
Иҥэ тэтэрэн,
750 Түөһэ томтойон,
Эмиийэ тэрэйэн,
Сүһүөҕэ субуруйан,
Хараҕа тырымнаан,
Хааһа тыргыйан,
Харах-хаас хамсатан,
Уос-тиис оҥостон,
Уҥуох-иҥиэх куодьайан,
- 22