Page 207 - Неизвестное название

Умсулҕаннаах ньуурдаах
Оҕо Ньургустайы,
Дьүөрэ соҕус
8630 Дьүһүннээх эбиппит дэсиһэн,
Сүрэхпит сөбүлэһэн,
Санаабыт табыллан,
Хол-буут курдук холбоһон,
Хоонньуга сытар
Холоонноох доҕордуу буолбуппут.
Суоххар түбэһэн хааламмын
Сулуу-атыы биэрбэккэ,
Сүгүннэрэн-боҕуннаран киирбит
Буруйбун билинэбин.
8640 О ҕо Ньургустай
Бэйэтэ буоллаҕына
Миигин көрөөт,
Бэркэ диэн биһирээбитэ,
Сөрү диэн сөбүлээбитэ.
Орто дойду уолаттарынааҕар
Ураҕаһынан ордук,
Өтүмэҕинэн үчүгэйгин диэн,
Уостаах-тииспэр умсугуйбута,
Харахтаах-хааспар хараҥарбыта.
8650 Мин даҕаны
Биир дойду
Бэлиэ бэрдэ,
Албан ааттааҕа
Дьоһун сурахтааҕа буолабын.
Бастар бараммат
Балысхан баайдаахпын.
Аһаатар бүппэт
Аллаҥныйар астаахпын,
Торолуйар тоттоохпун,
8660 Бысхайар быйаҥнаахпын.
Биир кыыс оҕону
Айаҕынан аччыктатыам суоҕа,
Таҥаһынан сапггаҕырдыам суоҕа,
Хотону хотоннотон
Холуннарьгам суоҕа,
Сүөһү сүөһүлэтэн
Дьүдьэтиэм суоҕа,
Иис иистэннэрэн
Эрэйдиэм cyoga.
- 206 -