Page 210 - Неизвестное название

Ааҕыйданан хаалла.
Саллайар сааһыгар
Чаҕыта көрбүтэ,
Салла санаабыта суоҕа,
8760 Бөҕөстөн бүдүрүйбэтэҕэ,
Бухатыыртан боҕоттубатаҕа.
Арай уоҕан уол сырыттаҕьша,
Орто дойду бухатыыра
Уорааннаах туйахтаах
Уһуу-чучураан
Уйусхан сиэр ааттаах
Охсуһуулаах мэккиэрдээх
Ордуос хааннаах
Оҕо Очуостаан бухатыыр
8770 Умсары уурбута баара.
Онон эбит буоллаҕына
Орто дойду бухатыырдара
Уһулуччу эбиттэр,
Күн өркөн уустарын
Күүстээх бухатыырдара
Күтүрдээх эбиттэр.
Айыы хаан аймахтарын
Ааттаах бухатыырдара
Алыстар да эбит дии санаан,
8780 Мэккиһэр кыаҕа мэлийдэ,
Утарсар санаата уҕарыйда,
Охсуһар күүс тиийбэтэ,
Хайыан да булбата.
Хараҥа-балай
Хаппарын түгэҕиттэн
Харбыал аан -харб ыал аан,
Умсулҕаннаах ньуурдаах
Оҕо Ньургустайы
Ойутан таһааран,
8790 Өксөкү кыыл
Тус-иннигэр
Туруоран кэбистэ.
Оҕо Ньургустай
Өксөкү кыылы
Өрө көрө түһээт,
Куттанан-соһуйан
Төттөрү чугуруйда,
Тиэрэ чинэрийдэ.

- 209 -