Page 209 - Неизвестное название

Аллаах ат кыайан таппат
Аар-саарга ааппын
Ааттаатаҕыҥ буолуо.
Соноҕос ат кыайан уйбат
Суо-дьэҥкэ сурахпын
Сураатаҕыҥ буолуо.
Сибилигин тиэрэ быраҕан
8720 Дэгиэ хара тынырахпынан
Сиһиҥ үөһүн
Сиритэ сыыйан,
Быһа тарда иликпинэ,
Умсары быраҕан,
Көхсүҥ ортотунан,
Үс сиринэн
Көйүүлээх ойбон курдук
Көҥү үктүү иликпинэ,
Оҕобун умсулҕаннаах ньуурдаах
8730 Оҕо Ньургустайы
Тус иннибэр аҕалан
Туруора оҕус.
Үөһээ көттөххүнэ,
Уллуҥаҕыҥ оройуттан харбыам,
Аллараа тимирдэххинэ,
Төбөҥ оройуттан тутуом.
Үгүһү өөҕүргээмэ,
Элбэҕи ээҕиргээмэ, — диэтэ.
Инньэ диирин кытта
8740 Тимир Сигиди бухатыыр
Тэҥнэһиэ баара дуо?
Кини диэтэх киһи
Киһи эрэ буоллар
Киэбирэр бэйэтэ
Кэхтэн кэбэлийдэ.
Тутан сиэри
Суоһурар бэйэтэ
Сууллан соҕоҕоһулунна,
Чооруос саҕа чуучуйда.
8750 Аһаары-сиэри
Аһыытын ардьатар,
Айаҕын атар,
Адьырҕа бэйэтэ
Ааҕый саҕа сананна,
Аччаан-куччаан
- 208 -