Page 208 - Неизвестное название

8670 Таптыырынан таныннарыам,
Талбытынан аһатыам,
Онорос курдук умнуом,*
Сибэкки курдук симиэм.
Тойон кынныһаҕым,
Туту көрдүүргүнэн
Сулуутун логлоччу,
Халыымын халыччы үүрэн,
Таһаара охсон
Биэриэм этэ, — диэтэ.
8680 Онуоха буоллаҕына
Өксөкү кыыл
Арҕаһын түүтүн адьырытта,
Көхсүн түүтүн күүртэ,
Таҥалайын чаҥ алтаны
Балталаан эрэр курдук
Таҥнары чаҥырҕатта,
Саҥа-саҥара
Тыл кэпсии олорбута,
Хоһоонун эгэлгэтэ
8690 Маннык буолбут:
— Дьиэ-буо, дьиэ-буо!
Көстүбэт бөҕө көлдьүннээҕэ
Көлдьүиҥүн өртөйөҥҥүн,
Адьарай бөҕө адьырҕата
Албыҥҥын сатыыгын.
Илиэһэй киэнэ идэмэрэ
Албынныыр оҕоҥ
Атын буолаарай,
Албыҥҥын кэпсээмэ,
8700 Тиэр-маар эрдимэ.
Албыҥҥынан алдьатыаҥ суоҕа,
Көлдьүҥҥүнэн көтүтүөҥ суоҕа,
Сэмэйгинэн дэллэритиэҥ суоҕа,
Тойон киһини кытта
Тыытыстаҕыҥ буолуо.
Хардааччы соҕус киһини
Хаарыйбыккын быһыылаах.
Бурулга соҕус
Боҕурҕананы кытта
8710 Булсубутуҥ буолуо.
Үйэҥ туолаары,
Үтэһэҥ тостоору.

- 207