Page 211 - Неизвестное название

Онуоха буоллаҕына
8800 Өксөкү кыыла
Киһилии кэпсээннээх,
Сахалыы саҥалаах,
Буола олордоҕо:
— Дьиэ-буо, дьиэ-буо!
Күҥҥэ төрөөн булбут
Көмүскэм уутун курдук
Күндүтүк санаабыт
Умсулҕаннаах ньуурдаах
Оҕо Ньургустай,
8810 Күндү күөрэгэйим оҕотоо,
Туохтан толлон-куттанан
Төттөрү чугуруйдуҥ,
Айыы сирин
Арыйа батгаан
Аҕалан көрдөрбүт
Аар тойон
Айбыт аҕаҥ,
Аҕыс атахтаах
Адьарай боҕөттөн
8820 Абыраан ылаары,
Арааһынай бөҕе
Араскааттаах аартыктары
Арыйан-тэлэйэн,
Айаннаан кэллим.
Көстүбэт бөҕөлөртөн
Көмүскээн ылаары,
Көтөр кынаттанан
Күөнтээн түһэн олоробун,
Күндү күөрэгэйим оҕотоо,
8830 Буойака! — диэтэ.
Инньэ диирин кытта
Умсулҕаннаах ньуурдаах
Оҕо Ньургустай
Хараҕын уута халыс гынна,
Көмүскэтин уута күөгэс гынна,
Туллук кыыл курдук
Тобурҕаччы таммалаата,
Уон тыһы кырынааһы
Таҥнары туппут курдук
8840 Уон бабы көмүс тарбаҕынан
Икки хараҕын уутун
- 210 -