Page 212 - Неизвестное название

Илиитин таһынан
Икки аҥы илгэн кэбиһэн баран,
Өксөкү кыыл диэки
Уулааҕынан-хаардааҕынан
Унаарыччы көрөн баран,
Саҥа саҥара
Ырыа ыллыы турбут эбит:
— Дьиэ-буо, дьиэ-буо!
8850 Бу аҕыс атахтаах
Адьарай бөҕө
Алдьархайдаах адьырҕата,
Айыллан үөскээбит
Аан ийэ дойдубуттан
Аймах-билэ дьоммуттан
Арааран туран,
Көй кииммиттэн,
Көмүс ордуубуттан
Кылдьы кытаахтаан,
8860 Хахайдыы харбаан,
Харахпын атыппакка,
Күнү көрдөрбөккө,
Сырдыгы биллэрбэккэ,
Аптаан-илбистээн,
Хара килэччи
Хараҥа хаппарын иһигэр
Хаайан-тууйан,
Ханна да барарбын биллэрбэккэ,
Түҥ-таҥ эккирээн,
8870 Түлэс-балас түһэрэн,
Айан киэнин
Алдьархайдааҕын айаннаан,
Аат дойдутугар адалайбыта,
Түгэх дойдуга
Дьүөгэлийэн түспүтэ.
Айыым дьонугар
Аны эргийбэт гына
Адьарай бөҕөҕө
Амаҕаччым диэн,
8880 Күнүм сирин
Көрбөт гына
Түҥкэтэх өлүү дойдутугар
Түстэҕим диэн,
Ый-хай
- 211 -