Page 246 - Неизвестное название

10390 Сыыдам быһыйдарга ситтэрбэккэ,
Сылбаргы бөҕөстөргө туттарбакка
Куотан тахсан, куруйа сүүрэн,
Кураһыйан тиийэн,
Алдьархайдаах аллараа дойду
Анысханнаах аартыгын
Аабаҥныыр айаҕын
Арыый бэтэрээ өттүгэр,
Бүччүҥнүүр бүөрүгэр,
Үрүт тардыытыгар
10400 Өлөр өлүү
Сөгүдү байҕалга
Үс төгүл умсан
Сөтүөлээн тахсыбытым.
Ол иһин туохха
Да кыайтарбат
Дуолан бухатыыр
Буолсу диэннэр,
Өһөгөйдөөх санаалаах
Өлүү Түбэлээн Хара
10410 Бухатыыр оннугар
Көстүбэт удьуордарыгар
Күрүө-хаһаа буолар,
Күдэн бөҕө күүстээх,
Быстыбат эттээх,
Тохтубат хааннаах,
Өлбөт үөстээх,
Бухатыыр буолуо диэн,
Муҥурун булларбатах,
Муус Кудулу байҕал
10420 Уорастыйар улаҕатыгар
Ый тоҥон ыйдыҥарбатах
Ыыс-быдаан тыаллаах,
Халлаан сырдаабатах
Хараҥа силлиэлээх,
Күнү көрдөрбөтөх
Күдэрик буурҕалаах,
Күнү-ыйы хаххалыыр
Күкүр таас хайа
Төбөтүн оройугар
10430 Дьөллөкөй көҕүс курдук
Дьөлө хаһан бараннар,
Тоҕус дуолан бухатыыр
- 247 -