Page 285 - Неизвестное название

Болот курдук
Быһыта сото турар
Буурҕалаах мутуктаах,
Саабылаан батыйа курдук
Хайыта салыы турар
11900 Саталаах лабаалаах,
Иннэ-бургэс курдук
Илбистээх мутукчалаах,
Сүлүһүннээх сэбирдэхтээх,
Хатан үҥүү төбөтүн курдук
Хатыылаах хатырыктаах,
Хамсыыр харамай
Хара күлүктээх,
Хабырыһан хаампатах
Кыһыл эттээх,
11910 Кыайан кыһарыспатах
Үөл эттээх,
Өнүйэн үтүрүспэтэх,
Тыынар тыыннаах сылдьыбатах,
Үөһэнэн көтөр кынаттаах
Көтөн-күөрэйэн
Үрдүнэн чиэрэстээбэтэх,
Аллараанан сур күүдээх
Кыайан сугуйан
Күөрэйэн тахсыбатах
11920 Инньэ баппат
Тимир иһирик ойуурга
Тиийэн кэллилэр.
Онно тиийбиттэрэ —
Сулустан туллан түспүт
Салыҥ Кулахай обургу
Сүлүһүннээх илбистээх
Лүксүүр хара сүллүгэһинэн
Тимир иһирик ойууру
Үлтү сынньан
11930 Үлэлэһэ турар эбит.
Кинилэри көрбөт
Көлбөхтөөх салыҥнаах
Күөх чалахай
Көппөхтөөх көлөһүнүн
Хоппо күрдьэх курдук
Куорай дапсыыр ытыһынан
Туора-маары сотон
- 282