Page 309 - Неизвестное название

Бадаҕа биллибэт
Барык-сорук дойду устун
Барыгылдьыһ ан - к үл үгүлдь үһ эн,
12930 Баран истилэр.
Дьүһүнэ-дьаабыта биллибэт
Түнэй-балай дойду устун
Түҥкэл-таҥхал түһэн бардылар.
Алдьархайдаах садыамнаах
Аллараа дойду
Аҥылҕаннаах-мөҥүлгэннээх
Аат айаҕын
Аҥалыйар арҕаһа,
Мэҥилийэр бэлэһэ,
12940 Суккуллар куолайа,
Суураллар куттаҕа
Чугаһаан эрдэҕинэ,
Аллараа дойдуттан
Адьамаан-Дьардьамаан
Аҥардам абааһы уолун
Аҥар тоҥолоҕуттан
Акымалыгар иилэн баран,
Сап кылын курдук
Салыбыраччы мөҕүһүннэрбитинэн
12950 Тахсан иһэр эбит.
Утары көрсүһээт,
Уолуйбут-соһуйбут курдук
Урбачыйа түстэ.
Хаардаах бугул саҕа
Хардаҥ эһэ
Хаппарын иһиттэн
Сэттэ былас суһуохтаах
Нэлэмэн Куону
Тыыннаах кырынаас курдук
12960 Тырымнаппытынан таһааран,
Иккитэ имэрийдэ,
Үстэ үҥкүрүттэ,
Түөртэ төкүнүттэ,
Туналыйан көстөр
Туналҕаннаах дьүһүннээх
Туус-маҕан
Туллук кыыл оҥорон,
Солоҥдо тураҕас ат
Уҥа кулгааҕын иһигэр
- 306