Page 307 - Неизвестное название

Барбыта да биллибэт гына
Мэлис гынан хаалбыт.
Хайыһарын суола
Хайыр таастары
Хаар хомурах курдук
Хайыта тэлэн,
Суорба таастары
Тоҥ хомурах курдук
Тобулута тайанан,
12850 Тоҕута сүүрэн,
Бүрүүк таастары
Буор быылын курдук бурҕачытан,
Кыһыл сымара таастары
Кыраһа хаар курдук
Кыыс бэрбээкэйинэн
Хайыта тыыран,
Сыыйыллан тыргыллан,
Киирэн бара турда.
Ол устун
12860 Аттаах дьон
Айан гиэнэ
Аллааҕын айаннаан,
Буут быстарынан,
Муҥ кыраадыһынан,
Муҥутуур түргэнинэн,
Буурҕа-силлиэ курдук
Бурҕачытан истилэр.
Хайыһар суола
Улам-улам
12870 Хардыыта кэҥээн,
Чүөмчүтэ дириҥээн,
Түргэтээн түһэн,
Барда быһыылаах.
Онон-манан
Очуостан очуоска охсуллан,
Таастан тааска тайанан,
Систэн сиһи чиэрэстээн,
Сир-ийэ сириэдийэр
Сиксигин диэки
12880 Тэбиллэн тэбиэһирэн,
Улуу дойду
Уораһыйар уораҕайын диэки
Уһуутаан түстэ.

- 304