Page 305 - Неизвестное название

Ситэр күннээх буоллахпына,
Сэрэнэн тиийдэхпинэ,
Өйдөппөккө үөмтэхпинэ,
Соһуччу чугаһаатахпына,
Туттарара буолуо.
12760 Соллоҥ уоруйаҕы
Тоҥоноҕуттан туттахпына,
Хара түөкүнү
Харытыттан харбаатахпына,
Бэйэҕитин тоһуйан,
Мэнэгэйдээх бэрдин
Бэгэччэҕиттэн туттарыам этэ.
Уһуннук уталытан
Улугурдар буоллубут.
Өр көһүттэрэн
12770 Күнү-дьылы ыытаҕытый?
Аттары харыстаамаҥ,
Айаҥҥытын бытаардымаҥ,
Анаан айаннаатахпына,
Аллаах соҕус айаннаах
Аргыска түбэстигит,
Соруйан туруннахпына,
Суһал соҕус сырыылаах
Доҕордоннугут, нохолоор!
Хайыһар бөҕө халтарыйдаҕына,
12780 Халыан соҕустук айанныам,
Хаалык бөҕө тостубатаҕына,
Киэҥ соҕустук
Хардыылыырым буолуо.
Баар кыаххытынан
Батыһан көрөөрүҥ.
Дохсун буурҕаттан
Чугуйуом суоҕа,
Сытыы чысхаантан
Ымыттыам суоҕа.
12790 Киэҥ хардыыбын хардыылааҥ,
Уһун олукпун
Олуктааҥ эрэ, нохолоор!
Буойака-а! — диэтэ да,
Хаалыгын ылла,
Хайыһарын кэттэ.
Дуолан бухатыырдар
Аттарын үрдүгэр

- 302