Page 310 - Неизвестное название

12970 Суһал түргэнник,
Тутумал бэйэлээхтик
Сулбу-халбы туттан
Уга охсон кэбистэ.
Саманнык диэн
Саҥалаах-иҥэлээх
Буола турда:
— Алаатыгар, алаатыгар!
Атаска холуйбатах атастарыам!
Доҕорго холуйбатах доҕотторуом!
12980 Алдьархайдаах садыамнаах
Аллараа дойдута киирэммин,
Аймааһыннаах айаны айаннаатым,
Айдааннаах сырыыны сырыттым,
Хара күлүктээҕи көрбөккө,
Хамныыры, харамайы ордорбокко,
Хардааччы кыыл курдук
Хайыта тыыта
Хардары-таары хабыалаан,
Харанан кэбиһэ турар
12990 Хардааччы сигилилээх,
Хадай хааннаах
Харса дьабын аймахтарын
Анарааҥҥы өртүгэр,
Тыынар тыыннааҕы ордорбокко,
Тыыннаахтыы ыһыытаппытынан
Сырҕан эһэ курдук
Тырыта-хайыта тыытан,
Тылкыйан кэбиһэ турар*
Кыдьыктаах иҥсэлээх,
13000 Кыырыктаах илбистээх
Кыдьылгы Суорун удьуордарын
Улаҕа өртүгэр,
Туруорбутунан сылдьан,
Торҕон бөрө курдук
Тоҕута-хайыта тардан,
Сулуйан сии турар
Чупчурҕан хара биистэрин
Анарааҥҥы өртүгэр,
Өһөгөйдөөх-өһүөннээх
13010 Өлөр-өлүү
Ньүкэрэ хара биистэрин
Уһуутуур уот
- 307