Page 306 - Неизвестное название

Даллаҥ өксөкү курдук
Дап гына олоро түстүлэр.
12800 Үс үөстээх
Өргөс кылыс кымньыыларын
Өрүтэ туттулар.
Билиги гыналларын кытта
Хайыһар тыаһа хаһыырда,
Хаалык тыаһа часкыйда.
Аттаах дьон
Көнтөстөрүн көннөрдүлэр,
Тэһииннэрин тэниттилэр.
Сындыыс курдук кымньыылаатылар,
12810 Чаҕылҕан курдук дайбаатылар,
Аттар барахсаттар
Быччыҥнара быыппастан,
Куҥнара-бууттара
Күүскэ күүрэн,
Иҥиирдэрэ эрчимирэн,
Сындааһыннара лыҥкынаан,
Сиэллэрэ нэлэһэн,
Көҕүллэрэ өрүкүйэн,
Кулгаахтара чөрөйөн,
12820 Кутуруктара субуллан,
Түөрт туйахтара төгүрүйэн,
Тэһииннэриттэн тэбиэһирэн,
Көнтөстөрүттэн күүһүрэн,
Уостуганнарыттан уоҕуран,
Сүллээх этиҥ курдук
Ньирилии сүүрэн,
Оноҕос курдук
Уһуутаһан түһэн бардылар.
Ол да буоллар
12830 Ардьамаан-Дьардьамаан бухатыыр,
Кини диэтэх киһи,
Айаннаан барбыт
Ахсым айанын
Атахтаах бөҕө аргыстаспат,
Туйахтаах бөҕө чугаһаспат,
Добун айаннаах,
Сыыдам сырыылаах,
Уола хаан эбит.
Хайы-үйэҕэ
12840 Күдэнэ көстүбэт,
303 -