Page 312 - Неизвестное название

Ээхпин эппэт,
Эриискэ түбэһэн биэрдим.
Өһөс өйдөөх буолан өлөрсөн,
Хадай хааннаах буолан харсыһан,
13060 Охсуһуу гиэнэ
Улаханын охсуһан,
Кырбаһыы гиэнэ
Кытаанаҕын кырбаһан,
Адьырҕа атамааттарын адаарытан,
Суоһар бөҕөлөрүн суодалытан,
Күтүрдээх бухатыырдарын күөһэлитэн,
Кыайан-хотон,
Ситиһэн-хотуһан
Тиийэн кэллим.
13070 Түркүннээх түөкүнү,
Оботтоох уоруйаҕы
Илэ бэйэтин
Илдьэ таһааран
Илиигитигэр туттардым.
Диэлимирдээх дьэллиги
Тылын ыйытыҥ,
Тыҥыраҕын сарбыйыҥ,
Тыынын иһиллээҥ.
Айан киһитэ аралдьыйдым,
13080 Суол киһитэ төгүрүйдүм,
Булдум аһым хойутаата,
Сырыы-айан тардылынна,
Охчурҕа* оҕустарымаҥ,
Тэхтиргэ тэптэримэҥ,
Былаҕайга былдьатымаҥ,
Кулаҕайга куоттарымаҥ,
Айан табылыннын,
Суолгут көннүн,
Буойака! — диэтэ.
13090 Онуоха буоллаҕына
Айыы бухатыырдара
Тустуулаах Дьуруо Бөҕө,
Охсуһуулаах Оҕо Удаарын
Саҥа саҥара,
Ырыа ыллыы турбуттар эбит:
— Дьиэ-буо, дьиэ-буо!
Атын дойду
Албан ааттааҕа,
- 309 -