Page 308 - Неизвестное название

Дабаан диэн чаҕыйбат,
Очуос диэн чугуйбат,
Уу диэн тумнубат
Уола хаан эбит.
Иитэ-саҕата биллибэт
Элэй-мэлэй
12890 Эрбэдэһин-дуоһун
Иччитэх киҥкий хара
Дайды буолан
Энэһийэн истэ.
Иһиллээтэр иһиллибэт,
Кэтэстэр КЭЛ бэт,
Кыҥаатар көстүбэт,
Кынчайдар биллибэт
Кыраман ыраах дойдуга
Кыйданан бардылар.
12900 Холоруктаах-буурҕалаах,
Хомуһуннаах илбистээх,
Хоту кубарсыйар
Курааһы маҕан халлааным
Хобдох салгыннаах
Кубарсыйар улаҕатын диэки
Кулгаахтара куу-хаа буолуор диэри
Куҥ-буут быстарынан
Куугунатан истилэр.
Мэйиилэрэ-санаалара
12910 Мэй-тэй буолуор диэри
Мэҥитэн киирэн бардылар.
Алаҕар харахтара
Алаа буолуор диэри
Айан гиэнэ
Ахсымын айаннаан,
Айыы сирин
Анарааҥы тардыытыгар
Аҕыс атахтаах
Адьарай бөҕөлөр
12920 Адалыһар аартыктаммыт
Арбы-сарбы аартыктара
Антал ыс гынна,
Көстүбэт бөҕөлөр
Күөдэлиһэн үөскээбит
Күлүк хараҥа дойдулара
Күҥкүлүйэ түстэ.

- 305 -