Page 311 - Неизвестное название

Сымала байҕалларын
Улаҕа өртүгэр,
Уораҕайдаах ордуутун
Түҥкүтүүр түгэҕэр
Дьэбиннээх сиксигэр
Тиийиэхчэ буолан эрдэҕинэ,
Ситэн тиийэммин
13020 Солоҥноох уоруйаҕы
Тоҥоноҕуттан тутан,
Хара түөкүнү
Харытыттан харбаан,
Айыллан үөскээбит
Аан дойдубар салаллар
Күнүм сиригэр,
Күөрэйэр күммэр
Көстүбэт бөҕө күтүрдэрэ,
Адьарай бөҕө адьырҕалара
13030 Мэличчи мэлдьэһэннэр,
Кубарыччы холдьоҕон,
Туттаран-туруоран
Тута балыйан,
Бэйэбин улахан
Буруйдааҕынан тутаннар,
Уҥуохпун урусхаллаары,
Кыһыл эппин кырбастаары,
Күлүмэн курдук күүгүнэһэн,
Сахсырҕа курдук сааҕынаһан,
13040 Саба түһэн
Дардырҕаппытынан бардылар,
Саҕынньаҕым түүтүн саралаатылар,
Арбаҕаһым түүтүн аҕыйаттылар.
Түөрт өртүбүтүттэн
Төбөм оройунан
Сүлүһүннээх сүллүгэстэринэн
Үлтү сүллүгүстээн,
Кыырыктаах кылыстарынан
Кыллырҕаччы кырбаан,
13050 Чабырҕаччы чапчыйан,
Тобурҕаччы тоҥсуйан,
Кыыбырҕаччы кытаахтаан,
Киһигирэччи кирэн барбыттара.
Ону буоллаҕына
Иннибин биэрбэт,

308 -