Page 315 - Неизвестное название

Кубулҕата куччаата,
Куотар сир
Куйуур хараҕын саҕа
Суох буолла.
Кэлэр сир кэлии үүтүнээҕэр
13190 Кэлтэччи мэлийдэ,
Барар сир
Баҕана үүтүн саҕа
Баранна быһыылаах.
Ыксаан ырыа ыллаата,
Тууйуллан тойук туойда:
— Буойака, буойака!
Туспа дойдулар
Дуолан бухатыырдара
Туһааннаах үтүө доҕотторум,
13200 Этэр тылым эгэлгэтин
Истэн туруҥ эрэ!
Кырдьыкпын килбэччи кэпсиэтэхпинэ,
Буруйбун малтаччы билиннэхпинэ,
Кэргэнинэн кэмчитийэн,
Дьахтарынан татыаркыйан,
Ойоҕунан омсолонон,
Орто дойдуга тахсаммын,
Тэгил дойдуттан тэҥнээхпин,
Сүөл дойдуттан
13210 Сөптөөхпүн булаары,
Суортан-тураахтан сураһан,
Ыттан-кустан ыйдаран,
Элбэхтэн истиһэн,
Үгүстэн өҥнөһөн,
Ыйдаран-хайдаран тиийэммин,
Булан көрбүтүм —
Тойон Дьоҥсоруун Баай оҕонньор,
Хотун Дьаҥсарыын Баай эмээхсин кыыстара
Сэттэ былас суһуохтаах
13220 Нэлэмэн Куоҕа тэҥнэһэр
Туналҕаннаах ньуурдааҕы,
Кыстык тэтэркэй имнээх
Кыыс оҕону
Хара харахпынан көрбөтөҕүм,
Хаптаҕай кулгаахпынан истибэтэҕим,
Оннук бэйэлээх барахсаҥҥа
Уостаах-тииһигэр умсугуйан,
- 312 -