Page 317 - Неизвестное название

Тохтуу түһэр
Түгэн көстүбэтэҕэ.
Олоро түспэккэ,
Уоскуйан сынньаммакка
Аан дойдубар
Сытар сыламмар
Тиийиэхчэ буолбутум кэннэ,
Айыыттан толлубатах,
Абааһыттан куттамматах,
13280 Ааттаах-суоллаах
Ардьамаан-Дьардьамаан бухатыыр
Обургу-дьаалы
Хантан да кэлбитин билбэтэҕим.
Харыбыттан харбаабыта,
Соһуччу үлүгэр
Тоҥонохпуттан туппута,
Онон да итэҕэйиҥ.
Кыстык тэтэркэй имнээх
Кырасыабай кыыс оҕону
13290 Кыбынан кууһан,
Күрэппит ааттаахпын да,
Истээриҥ даҕаны
Инньэ гымматаҕым,
Эппин сыһыарбатаҕым,
Үтүө бэйэтин үрэйбэтэҕим,
Кыыс бэйэтин кыларыппатаҕым,
Аһыылаах айдааны арыйбатаҕым,
Кутурҕаннаах суолу туһамматаҕым.
Арааран билэххитинэ,
13300 Арыаллаан дьүүллээтэххинэ,
Айыы буруй да
Аччыгый соҕус буолуо.
Онон эбит буоллаҕына
Сэмэ-суҥха даҕаны
Чэпчэки соҕус буолуо.
Үтүө дьон
Өйдөөх буолуоххут,
Бэрт дьон
Мэйиилээх буолуоххут.
13310 Туруору толкуйдааҥ,
Сытыары сыаналаан көрүҥ,
Үрүҥ тыыммын өрүһүйүҥ,'
Өлөрүмэҥ-өһөрүмэҥ,

- 314 -