Page 320 - Неизвестное название

13400 Булларбакка эрэ
Бокуонньуктатан кэбиспиппит,
Аны кимтэн
Ирдэһэн истэбит,
Туохтан сураһан булабыт,
Хантан хатан көрөбүт, — диэн,
Дэлби тиэтэйдэ,
Ыбылы ыксаата,
Тула эргичийэн
Кулахаччыйа турда.
13410 Тустуулаах Дьуруо Бөҕө
Сүтүгүн булбут,
Санаатын сиппит киһи
Туту гына туруой,
Солоҥдо тураҕас атын үрдүгэр
Дап гынан олоро түстэ да,
Айыы сирин диэки
Салайа тарта,
Күн сирин диэки
Күүстээх буурҕа курдук
13420 Күдээритэ турда.
Ол кэнниттэн
Охсуһуулаах-мөккүөрдээх
Оҕо Удаарын бухатыыр
Улаан сиэр атыгар
Олоро түстэ да,
Оноҕос курдук уһуурдан,
Уурдаран оҕустаран барда.
Ол кэнниттэн
Салыҥ Кулахай
13430 Сэрэйдэҕэ буолуо,
Тиэтэл үлүгэрдик
Түҥхэл-таҥхал,
Түлэс-талас
Сүүрбүтүнэн барда быһыылаах.
Айан гиэнэ
Ахсымын айаннаан,
Адьарай сирин ааһан,
Айыы дайдытын
Аҥаарыйар таһаатыгар,
13440 Күн сирин
Күөгэйэр көҕүлүгэр,
Өлбөөдүйбэт үрүҥ
- 317