Page 318 - Неизвестное название

Көрдьөһөр да күттүөннээх,
Ааттаһар да ахсааннаах, — диэтэ.
Инньэ диирин кытта
Салыҥ Кулахай обургу
Кычыгыраччы кыпчырынна,
Хачыгыраччы хабырынна,
13320 Чабырҕаччы чыпчырынна:
— Маҕаххай аллаах,
Куотар бөҕө кубулҕаттаах,
Ааһар бөҕө албастаах,
Айаҕын абатын,
Тумсун тууһун,
Бэлэһин бэтиэхэтин,
Көрөҕүөт-көрбөккүөт!
Тыыннаах ыты
Тылын этитэ сатаан,
13330 Сырыыны бытаардымаҥ,
Адьарай киһитин
Атаахтатан -тараҥнатан,
Айаны тардымаҥ.
Үгүс кэпсэтиитэ суох
Үөһүн тардыҥ,
Өлөрө охсуохха, — диэтэ.
Аҥардам абааһыны
Харыс сиргэ халбарыппакка,
Хады харбаатылар,
13340 Тутум сири чугуппакка,
Тууйа туттулар,
Дьуоҕа хара буорга
Төбөтүн оройунан
Түгэҕэ биллибэт дойдуга
Өтөрү быраҕан түһэрдилэр.
Үс дуолан бухатыыр
Өрүһүспүт курдук
Үлтү тэпсэн,
Тоҕус былас холобурдаах
13350 Тоҥ булуус буорга
Тобулу тэпсэн түһэрдилэр.
— Ээ, чэ өлөр күтүр буолла
Өллө ини,
Үөстэтэр адьарай буоллар
Үөстэттэ ини,
Түксүҥ, нохолоор, — диэтэ

- 315 -