Page 319 - Неизвестное название

Салыҥ Кулахай.
Ол гынан баран
Өлбүт өлүктэрин үрдүгэр
13360 Хоспох балаҕан саҕа
Көһүҥэ* таастары
Көтөҕөн аҕала-аҕала
Күлүргэччи көмтүлэр.
Хаардаах боппуйа саҕа
Хара сымара таастары
Мадьаччы көтөҕөн,
Мадьарытан аҕалан
Маллырҕаччы бырахтылар.
Үрүтүн үөһэ ууран
13370 Үрдүк тумул саҕа гына
Үллэччи кыстаан,
Өрөһөлөөн таһаардылар.
Онон омуннаах түөкүнү
Уҥуох туттахпыт,
Ааһар бөҕө албастаахха
Араҥас уурдахпыт,
Аллараа-үөһээ дойдулар
Аймалаһан айгыстар
Аартыктарын айаҕар
13380 Аҥардам хайата диэн,
Аатыран турдун дэһистилэр.
Өстөөхтөрүн өлөрөн
Үлэлээн-хамсаан бүтээт,
Эмискэччи үлүгэр
Салыҥ Кулахай обургу
Часкыйа-часкыйа кулахачыйда,
Үөгүлүү-үөгүлүү* өрүтэ эргичиҥнээтэ.
Ол-бу диэки
Олоп-чолоп одуулаата,
13390 Сынтайа-сынтайа сытырҕалаата:
— Үөдэн киһитин
Өйдөҥүтэ суохтук*
Өмүрэх курдук
Өлөрбүт эбиппин,
Умсулҕаннаах ньуурдаахпытын,
Күндү күөрэгэйбитин,
Кистээбит сирин этиппэккэ,
Саһыарбыт сириттэн таһааттарбакка,
Дьакыйбыт эбиппит.

- 316 -