Page 322 - Неизвестное название

Кыталыктаах Кыйаадыма
Хотугу өртүнэн
Хара улар кутуругунуу
Кундаар күөх тыатын
13490 Күлүгүн диэкиттэн
Кудулутан киирэннэр,
Хочо күөх хонуутунан,
Кыталыктаах кырдалынан,
Томтойор толоонунан,
Туйгутуур уорҕатынан,
Дьогдьойор саалыгар,
Туналыйар ньууругар,
Киэркэйэр киинигэр
Тэбиэһирдэн-тэбиннэрэн
13500 Тиийэн кэлэннэр,
Тойон Дьоҥсоруун Баай оҕонньор
Тоҕуоруйан олорор
Толуу балаҕанын таһыгар
Тоҕус туруйа кыылым
Тохтообокко дьурулуу сүүрэр
Дьоруо атым
Таба дугунан ааспат
Дьулусханнаах дьолуо маҕан
Тусаһатын ортотугар
13510 Үрдүгэр өксөкүлээх,
Сиэллээх дэйбиирдээх
Тойон баҕаатай
Сэргэлэрин төрдүгэр
Чугурус тына тохтуу түстүлэр.
Аттаах айыы бухатыырдара
Кэлбиттэрин көрөннөр,
Кыталыктаах Кыйаадыма Эбэ хотун
Хонноҕуттан-быттыгыттан
Отчут-масчыт
13520 Оторой-моторой
Уолаттара-кыргыттара
Онтон-мантан
Ойуоккалаһан-сүүрэккэлэһэн,
Сыһыы-сыһыы аайыттан
Сылгыһыт сыыдам быһый
Сылбаргы бөҕөс уолаттар
Сырсан сыыдамнаһан,
Ынахсыт-ыанньыксыт
- 319 -