Page 321 - Неизвестное название

Күннэрин анныгар
Үтүө-тэгил дайдыларыгар,
Унаарар уорҕатыгар,
Үөрэ-көтө
Өрө сүүрдэн,
Өрүкүтэн таҕыстылар.
Айыллан үөскээбит
13450 Аҕыс иилээх-саҕалаах
Аан ийэ дайдыларын
Араҕас далбарын диэки
Айаннатан-астаран,
Уурдаран-оҕустаран,
Д ьабыдьытын - дьалкытан,
Көтөр ыраах сирин
Күөйэн түһэн истилэр.
Өр да айаннаабыттарын
Өтөр да айаннаабыттарын билбэтилэр.
13460 Иннилэрин диэки
Айаннаан иһэр
Аартыктарын устун
Арбахтаах бэс саҕа
Абааһы уола
Дагдайа сиэлэн,
Көппөхтөөх харыйа саҕа
Көстүбэт бөҕө
Күтүрдээх улахана
Көппөйө сүүрэн эрэр эбит.
13470 Ситэн тиийэн көрбүттэрэ —
Сатаҕа Бөҕө обургу
Саргы сатыы
Дыгдайа сүүрэн
Дагдайан иһэр эбит,
Ырдьаччы ырбыт,
Хопчоччу холлубут,
Куодьааччы дьүдьэйбит.
Түҥнэри көтүтээри гыммыттарыттан
Суол таһыгар туораан,
13480 Суодахыс гынан биэртин
Аттаах бухатыырдар
Аһара көтүтэн,
Айаннаан дьабыдыттылар,
Ааһа турдулар.
Өр-өтөр буолбата
- 318 -