Page 323 - Неизвестное название

Нарын-намчы дьахталлар,
13530 Кылыс-батыйа кыргыттар,
Оноҕос-болот уолаттар
Тула мустан
Тоҕуоруһа түстүлэр.
Тойон Дьоҥсоруун Баай оҕонньор,
Хотун Дьаҥсарыын Баай эмээхсин
Көрдөр харахтарын дьүккэтэ,
Көтүрдэр тиистэрин билэтэ,
Көмүскэллэрин уутун,
Көмүс сымыыттарын,
13540 Күндү күөрэгэйдэрин,
Көстө көтүппүттэрин,
Билла мэлиппиттэрин
Сүрэхтэрин төбөтүн сүһүрдэр
Сүлүһүннээх аһыылаах
Сүдү улахан сүтүктэрин
Сонордоһон ирдэһэн барбыт
Дуолан бухатыырдар
Кэлбиттэрин истэн,
Туох буолбутун истээри,
13550 Сураһан уоскуйаары,
Ааннарын арыйан,
Дьиэлэрин тэлэйэн,
Тэлгэһэлэрин ортотугар
Тэбис-тэҥҥэ тэпсэҥнэһэн,
Сиэттиспитинэн тиийэн кэллилэр.
Чарапчылана-чарапчылана
Чалах-илэх көрдүлэр.
Тустуулаах Дьуруо Бөҕө
Солоҥдо тураҕас атын
13560 Уҥа кулгааҕын иһиттэн
Сэттэ былас суһуохтаах
Нэлэмэн Куону
Тыыннаах кырынаас курдук
Тырымнаппытынан-мичилиппитинэн
Сулбу тардан таһааран,
Эт бэйэтинэн,
Илэ дьүһүнүнэн,
Туналҕаннаах ньуурдаах
Тусаһаларын ортотугар
13570 Тус иннилэригэр
Нусхаччы-күөгэччи
- 320 -