Page 339 - Неизвестное название

Төлкөлөөх түөрэҕи олоппотун,
Дьол-соргу тосхойботун!
Бу Кыталыктаах Кыйаадыма Эбэ хотун
14220 Киэркэйэр киинигэр,
Дьогдьойор саалыгар,
Кыайан-хотон
Күтүөт оҕо буолан,
Күөкэйэн кэлиэҕэ.
Ол дьоллоох түһүлгэ
Хайабытыгар тосхойоро биллибэт,
Кэлэр күммүтүгэр
Тойон Дьоҥсоруун Баай оҕонньор
Кыыскын Нэлэмэн Куону
14230 Сир сибэккитин курдук
Ситэри симээн,
Дойду чааҕырын курдук
Нагначчы таҥыннаран,
Оноҕос умнаһын курдук
Умнаан тупсаран
Сүгүннэрэн боҕуннаран барар гына,
Нусхатан-күөгэтэн
Тус иннибитигэр
Туруораар эрэ!
14240 Айаны тардааххыный,*
Сырыыны бытаардааххыный,*
Уруута ыһыахта бэлэмнээн,
Түөлбэ түһүлгэтэ тэрийэн,
Аан чэчири анньан,
Ac бөҕөнү адаарыччы астаан,
Айах тутарга анаан,
Күөс бөҕөнү
Күдьүөрүччү күөстээн,
Күтүөт оҕону
14250 Күндүлүүр гына
Көһүтэн олороор! — диэтилэр.
Түөрт бухатыыр
Сэргэ төрдүттэн
Ыстанан турдулар.
Айыы бухатыырдара
Аттарын үрдүгэр
Өксөкү кыыл курдук
Дап гына олоро түстүлэр.
Кыталыктаах Кыйаадыма Эбэ хотун

- 336