Page 342 - Неизвестное название

Сындыыс курдук
Сыыйылла турдулар.
Бу Өлүү Сөгүдү байҕал
Үллэр үөһүгэр,
14350 Барылыыр баалыгар,
Күрүлүүр күүгэнигэр,
Добун долгунугар
Сойуо тиистээх
Торҕон сордоҥноро чолоҥноспут,
Аҕыс атахтааҕа адаарыспыт,
Аһыылаах-тиистээх ардьаспыт,
Амырыын айах адалыйбыт,
Мэҥиэстэр бэлэс мэҥилийбит,
Көҥкөлөй куолай көбүөхтээбит,
14360 Дэгиэ тиистээх дэлэйбит,
Хабааччы харамай хаатыйаламмыт,
Оботтоох үөн ууһаабыт,
Кэрбээччи бөҕө кэтэспит,
Кыдьык-сылаҥ кытыылаабыт,
Тимир тиистээх дэлэйбит,
Эриэн моҕой элбээбит,
Быһаҕастарыгар диэри былтаҥнаспыт,
Чуубурҕай-иибиргэй чолоҥноспут,
Кэлбити биирдэ мэҥиэстэн
14370 Мэлис гыннарар,
Түспүтү соҕотохто уобан
Суох гынар,
Амырыын айахтаах алдьархайдааҕа,
Кудулхай куолай кутталлааҕа
Манна баар буолла.
Сири үрдүнэн
Сүүрэр атахтаах
Сүлүһүннээх тиистээхтэрэ,
Хатан хардааччылара,
14380 Ардай аһыылаахтара,
Анаҕастаах кыыллар адьырҕалара,
Хардааччы хахайдара,
Хабырына-хабырына
Хабарааннык хаһыытаатылар.
Сырҕан эһэлэрэ
Сыналыһа-сыналыһа часкыйбыт,
Торҕон бөрөлөрө
Онолуһа-тиэйэ улуспут,

- 339 -