Page 341 - Неизвестное название

Кый ыраах кыйданан,
Чиэрэс-ыраах тэлэһийэн,
Аан дойдуларын ааһан,
Түгэх дойдуга түҥкэлийэн,
Чиэрэс дойдуга тэлэһийэн,
Ураты сиргэ
Оҕустаран бардылар.
14310 Төһө да хонукка
Айаннаабыттарын билбэтилэр,
Төһө да бириэмэҕэ
Барбыттарын билбэтилэр.
Айыы сирин ааһан,
Айаҕымсах часкыыр хара
Аймахтарын ааһан,
Оһоллоох-ороскуоттаах
Оботтоох-чупчурҕаннаах
Отут салаа
14320 Удурҕаччы бөҕө удьуордарын
Улаҕа өртүгэр,
Кэниэрдээх-суналҕаннаах
Кэп-суорун биистэрин
Кэтэх өртүгэр,
Кэлбит эргийбэтэх,
Барбыт төннүбэтэх,
Түспүт күөрэйбэтэх,
Тимирбит дагдайбатах,
Умсубут көстүбэтэх,
14330 Өлбөөдүйэ барыарар
Көстөр Өлүү Сөгүдү байҕал
Үҥкүр күөс айаҕын курдук
Үмүрүччү тарда турар
Үллэр үөһүгэр,
Өһөҕүрэр өрөҕөтүгэр,
Үллэччи үтэн киирбит
Оһуулаах-тоһуулаах
Очуос-таас хайа
Үрүт дьулаҕайыгар
14340 Өрө сүүрдэн
Өрүкүтэн таҕыстылар.
Ыстанан түһээт,
Ыыталаан кэбиспиттэрэ —
Аттара барахсаттар
Сиэллиин-кутуруктуун субуллан,
- 338