Page 335 - Неизвестное название

Хас гыныахпыный,
Тугун баалыаххытый?
Үтүө сүбэбин
Ылыныаххыт буоллаҕына,
Сүбэлээн көрүүм, — диэтэ оҕонньор киһи.
14050 Күрдьүөттэһэн турбут
Буулаҕа бухатыырдар
Көнө түстүлэр,
Көнньүөрэ быһыытыйдылар:
— Тугу сүбэлииргин
Этэ оҕус
Тойон кынныһахпыт,
Толкуйдаан көрүөхпүт, — дэһистилэр
Дуолан бухатыырдар.
Тойон Дьоҥсоруун Баай оҕонньор
14060 Саҥа саҥара,
Тыл кэпсии турбут
Хоһоонун эгэлгэтэ
Маннык буолта үһү:
— Дьиэ-буо, дьиэ-буо!
Субу самантан
Туһааннаах-тускумньулаах
Тус арҕаа диэки
Айыы сирин
Анараа тардыытыгар
14070 Айаҕымсах часкыыр хара
Аймахтарын анараа өртүгэр,
Оботтоох-чупчурҕаннаах
Отут одурҕаччы удьуордарын
Улаҕа өртүгэр,
Кэниэрдээх кэп-суорун
Биистэрин кэтэх өртүгэр
Барбыт төннүбэтэх,
Тимирбит дагдайбатах
Үмүрүччү тарда турар
14080 Өрүү Сөгүдү байҕал кытыытыгар
Үөһээ дойду нүһэр бөҕөлөрө
Үтүрүйэн түһэр,
Күөн көрсүһэр,
Күрэс былдьаһар
Күкүр таас түөлбэлээх
Түһүлгэлэрэ буолбут,
Аллараа дойду
- 332 -