Page 334 - Неизвестное название
P. 334
Солуута суох майгылаах
Дуоспуруна суох дьон курдук
Көстөөрү гынныгыт дуу,
Нохолоор!
Бу үлүгэрдээх
Кыйахалаабыт тыс курдук
Кыыһырымтаҕай,
Ураһа туоһун курдук
14010 Ордуос уохтаах,
Ыыстыйбыт үүт курдук
Ыгым киҥнээх,
Ынырык дьоҥҥо
Кыыспын биэрэн,
Былдьаһыкка бысталатыа суохпун,
Арай бэйэм
Дьүһүҥҥүтүттэн сөбүлээн,
Сөбүлээбиппин сүүмэрдээн,
Тарбахпынан талан,
14020 Биирдэскитин булан,
Биэрэрим эбитэ буоллар,
Аны күнүүлэһэн
Көҥү сытыйан,
Хом санаа куодьаҥнаһан,
Эриэкээн иҥиэттэн,*
Былдьаһаары баргыһан
Туруоххут нохолоор!
Талан да талыыгытын
Сатаан булуо суохпун.
14030 Мин көрдөхпүнэ,
Бары да
Быһый быһыылааххыт,
Күүстээх көрүҥнээххит,
Батыйа биитин курдук
Барааскы майгылааххыт,
Дьүөрэ дьүһүннээххит,
Бэркит бэйэҕитигэр,
Эриэҥҥит искитигэр,
Талааҥҥыт тарбаххытыгар буолуо.
14040 Ону мин
Тугу билиэхпиний?
Түөрт кыыстааҕым буоллар
Сөрү сөп буолуо эбиккит,
Соҕотох оҕобун
- 331 -
