Page 336 - Неизвестное название

Ааттаах адьырҕалара
Адалыһан тахсан
14090 Атааннаһар мөгүөннэһэр,
Хары-сото хапсыһар,
Хады-куду куустуһар,
Хардары-таары бырахсан
Хаалдьыктарын тэлгэнэн,
Хам-кум баттаһан
Хараабынай тустууну
Тустар, туруулаһар
Дьулусханнаах суорба
Таас состуойдара буолбут,
14100 Орто дойду
Дуолан бухатыырдара
Оонньуур очуостара,
Туруулаһар түөлбэлэрэ буолбут,
Оһуу-тоһуу төбөлөөх
Очуос таас хайа баара буолуо.
Онно тиийэҥҥит
Тустан туруулаһан,
Көрүҥ эрэ.
Урут бастаан
14110 Салыҥ Кулахай
Сатаҕа Бөҕөнү кытта
Тустан туруулаһан көрүҥ,
Онтон кэлин Дьуруо Бөҕөнү кытта
Оҕо Удаарын тустан көрөөрүҥ,
Онтон икки кыайбыккыт,
Утарыта көрсүөххүт,
Онтон биир охторбуккут,
Бу дойдуга кэлиэхтээх,
Кыаттарбыккыт бу
14120 Кыталыктаах Кыйаадыма Эбэ хотуҥҥа
Эргиллиэ суохтаахпыт диэн,
Субу саманна
Тусаһам ортотугар,
Тойон баадай
Сэргэм төрдүгэр,
Сөһүргэстээн олороҥнуг,
Биир сууйуллубат
Бигэ тылла этиҥ,
Хаһан да хаалбат
14130 Дьаҥха саҥата саҥарыҥ,
- 333 -