Page 340 - Неизвестное название

14260 Кытаайкалаах кырдалынан,
Торҕо күөх толоотторунан,
Ачалаах-сирэминэн,
Аҥаарыйар хочотунан,
Араҕас таһаатынан,
Сындыыс курдук сыыйылыннаран,
Оноҕос курдук
Ууннаран оҕустаран,
Айаннатан астаран,
Арҕаа мындаатынан,
14270 Адьырҕа кыылым
Арҕаһын түүтүн
Адаарыппытын курдук,
Аар хара тыатыгар
Өрө сүүрдэн
Өрүкүтэ турдулар.
Кэлин өртүлэриттэн
Тилэх баттаһан,
Сиритэ-хайыта харбаһан,
Салыҥ Кулахай
14280 Сатаҕа Бөҕөлүүн
Саппай тардан,
Утуу-субуу ойон,
Түлэс-балас сүүрэн,
Түҥкэл-таҥхал түһэн,
Түптэ буруотун курдук
Тунаарыс гынан хааллылар.
Аттаах айыы бухатыырдара
Айан гиэнэ ахсымын айаннаатылар,
Сада курдук дьалкыйан
14290 Силлиэ курдук силигирэтэн,
Буурҕа курдук бурҕачытан,
Сүллээх этиҥ курдук
Сүүрдэн түлүннэрэн,
Түһэн бардылар.
Сир ийэлэрэ
Тэрээх илими
Тиирэ тарпыт курдук
Дьэргэйэ сыыйыллан,
Сигидийэн истэ.
14300 Ыраах сири ыырдаан,
Күтүр сири күүһээн,
Дьоһун сири дьокуйан
- 337 -