Page 338 - Неизвестное название

Түсүһэн үтүрүспүт,
Нүһэр бухатыырдарын
Түмсэр түһүлгэлэрэ буолбут
Оһуулаах-тоһуулаах
Очуос хайаҕа
Туруулаһа тиийдэхпитинэ,
14180 Бэгэччэх күүһэ билиэ,
Хары хапсаҕайа быһаарыа.
Сүһүөх сымсата боруобаланыа,
Түөс күүстээх түҥнэриэ,
Ойоҕос бөҕөлөөх охторуо.
Бу туналҕан тусаһаҕа,
Бу иэримэ дьиэҕэ
Бүдүрүйбүт төннүбэтин,
Охтубут көстүбэтин,
Кыаттарбыт кэлбэтин.
14190 Кэлэр күннээх буоллахпытына,
Хааннаах хаадыйах
Хара таҥара
Хайа көрдүн,
Суордаах суодуйа
Хара таҥара
Тобулу домноотун,
Сүлүһүннэх түптүйэ таҥара
Дьөлө көрдүн,
Илбистээх эмэгэй таҥара
14200 Эмти силлээтин,
Эргилиннэхпитинэ,
Иэччэхпит эргийдин!
Хайыстахпытына,
Хаалдьыкпыт хайыннын,
Эппит тылбыт энчирэйбэтин!
Андаҕайбыт андаҕырбатын
Кэһэн кэллэхпитинэ,
Айыҥат хаан аһымматын,
Күн аайы көмүскээбэтин,
14210 Сир ийэ чэчирэппэккэ
Тимирдэ турдун,
Халлаан ийэ сырдаппакка
Хараҥарда турдун,
Хараҥа буруйдаатын,
Халыҥ айыылаатын,
Биир дьоллоох түһүлгэни туппатын,
- 335 -