Page 345 - Неизвестное название

Лаһыгырыы саалларын курдук
Тиҥилэх тыаһа
Лиһигирээн баран,
Сатаҕа Бөҕө обургу
Салаалаах тйит саҕа
14480 Даллас гына түстэ:
— Күтүр өстөөх,
Кыаһылана сытыйан,
Сырыттаҕа бытаанын,
Кэллэҕиҥ кэнникитин,
Кэтэһэн кэлтэйдибит,
Көһүтэн көһүйдүбүт,
Олоро сатаан улугурдубут,
Тура сатаан дьуоҕардыбыт,
Сыта сатаан сындалыйдыбыт.
14490 Чэ, кэл эрэ бэттэх,
Тустар күтүр буоллаххына тустуох
Айан таттык
Сырыыны бытаардыма, — диэтэ
Салыҥ Кулахай.
Сатаҕа Бөҕө
Айаннаан кэлэн
Аҕылаабыта ааспата,
Бөтүөхтээбитэ бүппэтэ,
Омуна уоскуйбата,
14500 Дөрбөгөйдөөх түһүлгэҕэ
Тахсарыгар тиийэр.
Хатааннаһан хапсыһар,
Күрэхтэһэн көрсүһэр,
Сордоҥ балык
Салыҥнаах уорҕатын курдук
Суорба таас хайа
Дьулуруйар дьулайыгар
Мөлдьөрүүннээх мөгүөлүгэр
Өрө сүүрэн таҕыстылар.
14510 Хачыгыраччы хабырынан
Хахайдыы хаһыытаһан,
Эһэлии часкыһан,
Бөрөлүү улуһан түстүлэр да,
Уун-утарыта
Хапсыһан ыллылар,
Хады-куду харбастылар,
Куду-хады куустустулар,
- 342 -