Page 346 - Неизвестное название

Иэмэх-таамах эристилэр,
Мунньары-хаанньары мускустулар,
14520 Туора-маары садьыстылар.
Өр-өтөр гыммата
Салыҥ Кулахай обургу
Сатаҕа Бөҕөнү
Самаҕын туорайыттан
Уорай дапсыыр ытыһынан
Өрө баһан ылан,
Үөһээ дойдуга
Өрө көтөҕөн таһааран,
Үс төгүл
14530 Эргичитэн баран,
Төбөтүн оройунан
Ньыгыл хара тааска
Дьөлө быраҕан түһэрдэ.
Сатаҕа Бөҕө
Суорба таас хайаҕа
Оһуу-тоһуу чочумаастарыгар
Тоҕус ойоҕоһун
Көҥү түһэн.
Күөлэһис гынна,
14540 Аҕыс ойоҕоһун
Хампы бырахтаран
Адаарыс гынна.
Оччо оһолломмутун
Итиччэ илистибитин кэннэ,
Иэс көһүтэн
Эрэйдиэхтэрэ дуо?
Ол дойду
Обот чупчурҕаннара,
Иҥсэ мэнэгэйдэрэ,
14550 Торҕон кыыллара,
Ардай аһыылаахтара,
Хааҥҥа халаахтааччылар,
Өһөххө үөмэлэһээччилэр
Үөһээттэн-алларааттан
Үрдүгэр саба түһэн,
Үөмэлэһэ түстүлэр.
Хол-буут арааран,
Мүһэ-мүһэ бысталаан,
Тоҕута-хайыта тардан,
14560 Сиритэ-хайыта тыытан,

- 343 -