Page 347 - Неизвестное название

Сэймэхтээн-тунайдаан,
Сиэн-аһаан,
Кырбас-кырбас кытаахтаан,
Тоорохой-тоорохой тоҥсуйан,
Эстэрик-эстэрик элээрдэн,
Уһаты-туора уобан,
Мүлүр-халыр ыйыстан,
Сыыһа-халты хабан,
Биирдэ мэлис,
14570 Соҕотохто суох,
Суп-сап гыннаран кэбистилэр.
Аһаабыттара биллибэтэ,
Астыммыттара көстүбэтэ,
Халлааны хаххалаан
Халаахтаһан таҕыстылар,
Күнү күлүктээн
Көбүөхтэһэ көттүлэр,
Сиринэн сүүрэр
Дэгиэ тиистээхтэрэ,
14580 Ардай аһыылаахтара
Часкыйа-часкыйа намыраатылар.
Хаһыытаһа-хаһыытаһа хаптайдылар,
Улуһа-улуһа суодуйдулар.*
Онон эбит буоллаҕына
Бу дойдуга
Охтубут орпот,
Тобуктаабыт турбат,
Бүдүрүйбүт бүтэр
Мүччүргэннээх-дөрбөгөйдөөх,
14590 Оһоллоох-ойоҕостоох
Одун хаантан оҥоһуллубут
Ураты дойду буолла.
Аны Тустуулаах Дьуруо Бөҕө
Охсуһуулаах-мөккүөрдээх
Оҕо Удаарын
Т у стар -туруул аһар
Күннэрэ тиийэн кэллэ.
Хатааннаах бөҕө харсыһар
Хатыыска хара тааска
14600 Дьулаҕай хара дьулайыгар,
Мөлдьөрүүннээх мөҥүөнүгэр
Өрө сүүрэн таҕыстылар.
Киирсээри киэптэрэ
- 344 -