Page 349 - Неизвестное название

Тол ору лаппа тутуһан,
Хады-куду харбаһан,
Хабарааннаах хапсыһыыны саҕалаатылар,
14650 Хардары-таары бырахсан,
Туора-маары садьыһан,
Сото-хары олуйсан,
Тустан туруулаһан бардылар.
Өр-өтөр гыммата
Тустуулаах Дьуруо Бөҕө
Оҕо Удаарын бухатыыры
Үөмэр өртүгүн баһыттан
Өрө көтөҕөн таһааран,
Үс төгүл эргичитэн баран,
14660 Төбөтүн оройунан
Эһэн кэбиспитэ —
Өлөр-Өлүү Сөгүдү Байҕал
Өһөҕүрэр-бытаарар
Өрөһөтүн диэки
Атаҕа адаарыйбытынан,
Уллуҥаҕа хараарбытынан,
Төбөтүн оройунан
Түһэн эрдэҕинэ,
Тустуулаах Дьуруо Бөҕө
14670 Хаана хамсаата,
Харааста санаата,
Иккиһин нэмийэн,
Этиэх түргэнэ
Кутуу укулаат
Хоп-дьип курбуһаҕыттан
Харбаан ылан,
Суорба таас хайа
Дьуларыйар төбөтүгэр
Туруору ууран кэбистэ.
14680 Охсуһуулаах мөккүөрдээх
Оҕо Удаарын бухатыыр
Өлөр бөҕө өлүүттэн
Өрөһүллэн тахсан,
Иһин түгэҕиттэн
Иҥсэлээх үлүгэрдик
Үс төгүл
Өрө уһуутаан кэбистэ.
Ол гынан баран
Кыаттарбыт-хотторбут

- 346 -