Page 348 - Неизвестное название

Киэлилэрэ киирдэ.
Олохторун ОҤОСТОН,
Курдарын чиҥэтинэн,
Сүһүөхтэрин тэнитэн,
Лүһүргэччи эккирээн,
Эттэрин тыылыннаран,
14610 Иҥиирдэрин күүрдэн,
Быччыҥнарын хамсатан,
Быыппаста-быыппаста
Бычыгыраччы тыыллан,
Тарбахтарын тыаһа чачыгыраата,
Сүһүөхтэрин тыаһа бачыгыраата,
Иҥиирдэрин тыаһа лыҥкынаата.
Бу дойдуга
Кэлбит киһи
Киҥэ холлор,
14620 Сигилитэ силлэр,
Сүрэҕэ сөрүөстэр,
Дьүһүнэ кубулуйар,
Хаана алдьанар,
Хараҕа уоттанар,
Көрсүбүт күрэстэһэр,
Утарыласпыт охторсор,
Түбэһиспит түҥнэрсэр,
Турууласпыт тобуктатар,
Сутуллаах илбистээх
14630 Содуом дойду буолла.
Айыы уолаттара этибит диэн,
Аһыныспат амырыын
Аба санааны санастылар,
Харыстаспат хардааччы
Хараабынай хааннара
Харахтаах-хаастарыгар
Кыдьыгыран кыынньа,
Уруурҕаспат уордаах хааннара
Орой тымырдарыгар
14640 Оргуйан уоҕурда.
Ох саа оноҕоһун курдук
Оҥостон-оҥостон бараннар,
Уун-утарыта
Түсүһэн кэбистилэр.
Кинилэр диэтэх дьон
Кып-хап киирсэн,
- 345 -