Page 350 - Неизвестное название

14690 Киһи быһыытынан
Туона устата холобурдаах
Туора ойон биэрдэ.
Били гынарын кытта
Уһуннук уталытан
Уоскутуо баара дуо,
Сулустан туллан түспүт
Салыҥ Кулахай обургу
Тустуулаах Дьуруо Бөҕө
Үрдүгэр часкыйбытынан
14700 Саба түспүтүнэн барда.
Хапсаҕай үлүгэрдик
Хахайдыы хаһыытаһан,
Хапсыһан ыллылар,
Өксөкүлүү үөгүлэһэн,
Үрдүлэригэр түһүстүлэр,
Эппиэтэ суох
Ииччэх талах курдук
Эрийсэн истилэр,
Бокуойа суох
14710 Бурут хорҕолдьун курдук
Мускуһан бардылар.
Кинилэр диэтэх дьон
Кимиэллээхтик киирсэн,
Кэтит түөстэринэн
Киллиргэччи кэбиэлэһэн,
Бөҕө бүлгүннэринэн
Лүһүргэччи түсүһэн,
Үөкэйэр өртүктэринэн
Өһүөннээхтик үтүрүһэн,
14720 Халыҥ агдахаларынан
Хатааннаахтык хабырыһан,
Адарай ойоҕосторунан
Амырыыннык аалсыһан,
Кытаанах быччыҥнарынан
Кыһыылаахтык кыһарыһан,
Хатан тарбахтарынан
Хабырдык хапсыһан,
Тэтиэнэх ньилбэктэринэн
Тиэрэ-маары олуһан,
14730 Сордоҥ сотолорунан
Туора-маары хатыһан,
Биэкэйэр бииллэринэн
- 347 -