Page 352 - Неизвестное название

Өҥөйөн туран,
Үлтү үөгүлээтилэр,
Аллараа дойдуттан
Даллайан туран,
14780 Таҥнары часкыйдылар:
— Бу туох ааттаах
Бохоойу муҥнаахтара,
Мөлтөх бөһүүкэлэрэ,
Көрүнньүк көҕүстэр
Көппөһө уҥан,
Кыайан охторсубакка,
Көһүттэрэн-кэтэтэн,
Күнү-дьылы ыыттыгыт,
Миэстэни мэһэйдээтигит,
14790 Түһүлгэни ордоруҥ,
Тохтоомоҥ, тура охсуҥ,
Охторсо тардыҥ, — диэн,
Ынырык ыһыы,
Хатан хаһыы,
Өһүөннээх үгүрэ,
Ү өһээттэн-алларааттан
Үргүтэн туруорда.
Оннук үлүгэргэ
Олоруохтара баара дуо?
14800 Ойон туран,
Уун-утарыта
Түһүспүтүнэн бардылар.
Ордук уоҕуран,
Эбии эпчимирэн,
Кырдьык кыһыйан,
Олус абаран,
Ыһыытаһа-ыһыытаһа,
Хаһыытаһа-хаһыытаһа халбарытыстылар,
Үөгүлэһэ-үөгүлэһэ өттүктэстилэр,
14810 Мадьаһа-мадьаһа быраҕыстылар.
Сүрүн быстарынан түһүстүлэр,
Уҥуох тосторунан олустулар,
Иҥиир быстарынан эристилэр,
Силгэ уунарынан тирэстилэр,
Самах хайдарынан тардыстылар.
Ойоҕос бэттэринэн,
Утаһын өҕүллэринэн,
Оҕус курдук харсыһан,

- 349 -