Page 353 - Неизвестное название

Кулун курдук куустуһан,
14820 Ат-биэ курдук
Айаһан бардылар.
Ол да буоллар
Суон тостубата,
Халыҥ хайдыбата,
Иҥиир быстыбата,
Иҥэрчи ууммата.
Тиириилээх айа кирсин курдук
Тэбис-тэҥ дьон буоллулар.
Ол курдук кинилэр
14830 Анаан туран айаһан,
Соруйан туран туруулаһан,
Тоҕус күннээх-түүн
Томтойо торолуйа
Туолан кэлиэр диэри
Туста сатаан бараннар,
Уҥуох дьон уйадыйдылар,
Эт дьон элэйдилэр,
Сындааһын дьон сылайдылар,
Эмискэччи үлүгэр
14840 Даллас гынан
Ыытыһан кэбистилэр,
Л ах тына олоро түстүлэр.
Били гыналларын кытта
Тоболөрүн оройуттан
Дьөлө үөгүлээтилэр,
Кулгаахтарын кулугута
Уһулу ыстаныар диэри
Таҥнары часкыйдылар:
— Тура охсуҥ,
14850 Туста тардыҥ,
Халтарыйбат уллуҥахтаах,
Бүдүрүйбэт сүһүөхтээх
Күтүрдэр буоллаххытына,
Бу өлөр-өлүү өһөгөйдөөх
Өлүү Сөгүдү байҕал
Үллэр үөһүгэр,
Өһөх балай өртүгэр
Кыһыылаах кырдала,
Хатааннаах хайата,
14860 Өһөгөйдөөх бөҕө
Өргөһө буолбут,
- 350 -