Page 466 - Неизвестное название

19850 Тоҥ туу курдук
Тоҕута кэһэн,
Уордаах кылыннаах
Уодаһыннаах санааларын
Оноҕос курдук тоһутан,
Илэ-бодо илэччийбэт гына
Ээхтэрин этитэн,
Иһиттээх уу курдук
Иҥнэри үктээтибит,
Өһөхтөөх өһөгөйдөөх
19860 Суналҕан хара
Суоллара бүөлэннэ.
Хааннаах сатыылай
Хара аартыктара
Саас-үйэ тухары
Сабылынна, тимирдэ.
Аны биһиэхэ
Үөһэттэн өлүү бөҕө
Үтүрүйэн түспэт,
Алларааттан алдьархай бөҕө
19870 Адалыйан тахсан
Ааҥнаабат буолла.
Орто дойдуттан
Обот-чупчурҕан оһол-төрүөт,
Орооһуо суоҕа,
Иҥсэ-мэнэгэй
Иирээн илбис эҥэрдэһиэ суоҕа,
Охсуһуу-содуом
Уһун сутул туру о суоҕа,
Өлүү-сүтүү үөскүө суоҕа.
19880 Аспыт чэчирбит хагдарыйыа суоҕа,
Туруорбут сэргэбит иҥнэйиэ суоҕа,
Туруорбут сүллүгэспит төлөрүйүө суоҕа
Саппыт халҕаммыт сэгэйиэ суоҕа,
Умуллубат уоту оттуохпут,
Уһун буруону унаарытыахпыт,
Уолбат ойбону алларыахпыт,
Уйгу-быйаҥы дэбилитиэхпит,
Кэхтибэт кэнчээрини кэскиллиэхпит,
Төрүүр төрүөҕү төлөһүтүөхпүт.
19890 Дьол-соргу туругурда,
Саргы-дьаалы салалынна,
Уруй-туску буоллун,
- 467