Page 463 - Неизвестное название

Саамал кымыһы
Дьалкыччы тардан,
Араҕас арыыны
Аралыччы дьэлкитэн,*
Сибиин сүөгэйи
Сүрүлэччи сүүрдэн,
Соҥ сүмэхтэрин дьөлкүтэн*,
Көбүөрдэрин мөлбөтөн,
Бөһүүкэлэрин бөһүтэн,
19730 Хайахтарын көйөн,
Талыы байтаһыны таралытан,
Уһаты уойуулааҕы охторон,
Толомон оҕуһу тобуктатан,
Субуруччу тоҕустууну суулларан,
Арҕара аҕыстыыны адаарытан,
Тэлгийэ сэттэлиини тиэрэн,
Халыҥ хаһалааҕы хайытан,
Суон сааллааҕы кэрчиктээн,
Суорбан тастааҕы тыыран,
19740 Бөдөҥ мүһэни бысталаан,
Уйгулаах урууну оҥороору,
Баараҕай улахан
Малааһыны тардаары,
Ытык ыһыаҕы ыһаары,
Түөлбэ түһүлгэни тэрийээри,
Тоҕой тыа саҕа
Тоҕуоруһан тураннар,
Оһоҕос-батыйа уолаттар
Оҥостон-урбачыһан,
19750 Кылыс-батас кыргыттар
Симэнэн сэгэлдьиһэн,
Бөҕө бөтөстөр мөтөрүһэн,
Сыыдам быһыйдар сыыдамнаһан,
Сылбаргы бөҕөстөр сундулуһан,
Ырыа чаҕааттар ыксалаһан,
Дьэргэстэй үҥкүүһүттэр сэргэстэһэн,
Кэрэ эгэлгэлээхтэр кэккэлэһэн,
Чуор куоластаахтар тоҕуоруһан,
Эгэлгэ идэлээхтэр эҥэрдэһэн,
19760 Олоҥхоһут оҕонньоттор олодуһан,
Оонньууну оройуттан,
Көрү көҕүлүттэн тутан,
Күн өркөн уустара,
- 464 -