Page 465 - Неизвестное название

Дьол бараан тосхолунна,
От тугуй диэтэххитинэ,
Үөһээ дойду
19810 Үлүгэрдээх үлүскэннээх
Үс биис уустарын
Өһүөннээх бөҕөлөрүн,
Өрөгөйдөөх санааларын
Үөннээх түптүйэ курдук
Үлтү үктээн,
Соллоҥ хара чупчурҕаннарын
Чуор мутук курдук
Тоһутан солбонутан,
Үөһээ дойдуттан өлүү бөҕө
19820 Үтүрүйэн түһэр
Өһөх мэгилгэн аартыктарын
Үйэ-саас тухары өҥөйбөт гына,
Бүөлүү лүксүйдүбүт,
Алдьархайдаах садыамнаах
Аллараа аҕыс биис уустарын,
Амырыын баһылыктарын,
Ардай аһыылаахтарын,
Күдэн бөҕө күүстээхтэрин,
Буулаҕа бухатыырдарын
19830 Боҕутуннаран булгурутан,
Хатааннаах санааларын
Хаппыт чабычах курдук
Хампы тэпсэн,
Аллараа дойдуттан
Алдьархай бөҕө адалыйан тахсар
Ап чарай албас хара аартыктарын
Саас-үйэ тухары тахсыбат гына
Саба тэбистибит.
Бу отут уркуннаахтар
19840 Орто туруу дьоҕул дойдум
Уораһыйар улаҕатыгар
Олохсуйан үөскээбит
Оһол-төрүөт олохтоох,
Уомар-соллоҥ иҥсэлээх,
Оботтоох чупчурҕаннаах,
Отут удурҕаччы хара
Удьуордарын-биистэрин,
Суостаах-суодаллаах
Дьуоҥ хара бухатыырдарын
466 -