Page 461 - Неизвестное название

Уруйдаан-айхаллаан,
Бу түү мээчик курдук
Төкүнүйэн үөскээбит
Түмэн бараан дойдум
Түөлбэлээх түһүлгэтэ буолбут
19640 Киэҥ Тумарыкы Эбэ хотуну
Кэхтибэт-кэскиллээх,
Уурайбат-уйгулаах,
Улуу Туймаарыкы Эбэ хотун
Буоллун диэн,
Уларыйбат-кубулуйбат гына,
Уларытан ааттаан,
Үйэ-саас тухары
Үөскүү-үүнэ турар
Кэнчээри ыччат кэскиллэннин,
19650 Төрөтөр оҕо төлкөлөннүн,
Иитэр сүөһү чэчирээтин диэн,
Көтүллүбэт күрүөнү тутан,
Төлөрүйбэт-мүччүрүйбэт
Суон сүллүгэһи анньан,
Халбарыйбат-сэгийбэт
Халыҥ халҕаны сабан,
Уруйдаан-айхаллаан
Кэскиллээн-тэрийэн кэллим.
Манна эмиэ
19660 Баараҕай малааһыны тардан,
Уйгулаах үөрүүнү оҥорон,
Ытык ыһыаҕы ыһан
Ахтар айыытыттан айыллыбыт
Айыы-хаан сиэннэрэ,
Айыҥат хаан удьуордара
Аймах-билэ дьонум
Араан тыа саҕа
Арыаллаһыҥ эрэ,
Уруй-туску буоллун!
19670 Буойакаа! — диэтэ.
Инньэ диирин кытта
Айыы хаан сиэннэрэ,
Аймах-билэ дьонноро
Араан тыа саҕа
Арыаллаһан айхалластылар,
Оһуор ойуур курдук
Уруйдаһан тоҕуорустулар.
- 462