Page 96 - Неизвестное название

Тиниктэһэ хааллылар.
Тустуулаах Дьуруо Бөҕө
3770 Солоҥдо тураҕас атын
Айдааннаах-садыамнаах
Абааһылартан арахсан
Айаннаан иһэр
Аартыгын устун
Салайа тардан кэбистэ.
Адырыыннаах араскааттаах
Аас мэгилгэн дайдылар
Анысхааннаах аргыардаах
Анараа дайдыларын диэки
3780 Айан натан - астаран,
Д ьэбидитэн-дьал кытан,
Одуруннаах оһоллоох
Одун буурай дойдуларын
Уораһыйар уорааннаах
Улаҕаларын диэки
Уурдаран-одустаран,
Түһэн бара турда.
Үрдүк суугунуур
Соһу былыт
3790 Үрүт өртүнэн
Өрүтэ үүнэн,
Үөмэхтэһэн тахсан,
Күдэн маҥан халлаан
Күдэриктээх көмөҕөйүн диэки
Күнү-ыйы бүөлүүр гына
Күөнтэһэн турар
Күкүр таас хайалар
Көөһөнөр көмөҕөйдөрүнэн
Көҥүтэ үтүрүһэн,
3800 Көҥкөлөй үүтүн курдук
Күҥкүйэ хара
Күлүк боронуй
Аартык устун
Күлүгүлдьүтэн истэ.
Кыыһар бьыыт
Үрүт өртүнэн
Кыырай халлаан
Кыыдааннаах салгыныгар
Кылыс батыйа биитин курдук
3810 Кылбаччы сууна турар

-93-