Page 99 - Неизвестное название

Силис тардан,
Сыҥ ойуур буолан,
Сигидиччи үүммүт эбит.
3900 Үөһээ уоһун
Үрдүк туруук хайа
Өрекүйэр өргөһүн
Үрүт өртүнэн
Өрө сатарыйан тахсыбытын
Кыыдаан бөдө кыскыйан,
Сата тыал часкыйан,
Буурҕа-силлиэ бургуйан,
Буору-сыыһы мунньан,
Муох-сиппэх мустан,
3910 Мутук-силис тыллан,
Му н нутта н -уоһуттан,
Болбукта ойуур
Буодьулуу үүнэн,
Будьуруйан тахсыбыт.
Турбут сирин
Тоҥ булууһугар тиийэ
Тобугар диэри
Тобулу дьуодаран түспүт,
Тайаммыт сирин
3920 Тоҥолодор диэри
Чакыыр тааска
Батары тайахтаммыт,
Санныттан сэтиэнэх бөҕө сэкэрийбит,
К.ӨХС үттэ н-кэтэдиттэн
Көмнөх муох
Көппөччү үллүбүт.
Төбөтүн оройуттан
Өлгөм уот
Өрөкүччү үүммүт,
3930 Таныытын үүтүттэн,
Дьабадьытын анныттан
Сыыҥа-сыраана
Таҥнары санньылыйан,
Сытыган үрэх буолан
Дьөлө сүүрүгүрэн түспүт.
Бадата хамматах,
Мадалайа туолбатах
Модус баҕайы
Буор булгунньах сада буолан.
-96-