Page 94 - Неизвестное название

Ааҕа турбута,
Биэс тарбаҕын курдук
Билбит аххан бэйэккэтэ.
Эн диэтэх киһи
Иннин ылан,
Ээҕин этитэн
Эппиэтин истэр да баҕайыҥ ини.
Ол гынан баран
3690 Туттаран туран
Тута балыырдаах,
Көрдөрөн туран
Көрө мэлдьэхтээх
Күтүр буолуо.
Элиэр этэ
Сэймэктэнэ илигинэ,
Ээдин этиэ суоҕа,
Кыһыл этэ
Кырбастана илигинэ,
3700 Кырдьыгын кэпсиэ суоҕа,
Хайҕахтаах хара
Быарын хааныттан
Сүлдьүүлээх сүрэҕин өһөгүттэн
Сүтүккүн булуоҕуҥ
Буойака! — диэтэ.
Инньэ диирин кытта
Абааһы уола
Айаҕын атан
Алларастыы түстэ.
3710 Харыаннаахай доҕорбун
Халты харбаабыт,
Хара түөкүнү
Хабарҕатыттан харбаан,
Хам-ыга тутан
Ханна гыммытын
Буларым буолуо,
Күндү күөрэгэйбин
Көстө көстүбүт
Күлүк көлдьүнү
3720 Көхсүгүн түптүйэлээн
Муннутун үүттээн,
Моһуйан-эрийэн
Булларарым буолуо,— диэтэ да,
Куоһара Хара бухатыыр
- 91 -